Раководните лица на Вест Хем подготвуваат нова понуда за услугите на дефанзивецот на Манчестер Јунајтед, Хари Мегваер. Тренерот Дејвид Мојс долго време е фан на дефанзивецот и се чини дека техничарот му наложил на управниот одбор да му даде приоритет на трансферот на Англичанецот за време на летниот пазар.
Уште на последниот летен пазар, Вест Хем беше во преговори со Манчестер Јунајтед за да обезбеди договор за картонот на англискиот дефанзивец. Сепак, тоа не беше можно поради високите финансиски барања на „црвените ѓаволи“. Мегваер, исто така, не беше подготвен да направи компромиси за неговата плата, а трансферот не се реализираше. Но, овој пат работите изгледаат повеќе во корист на Вест Хем.
Мегваер има уште само 1 година од договорот со Манчестер Јунајтед. Клубот сигурно нема да го загуби играчот по нула цена, а тоа значи дека вредноста што „црвените ѓаволи“ ќе ја побараат за дефанзивецот се очекува да биде помала од онаа што ја бараа на минатиот пазар. Се очекува Вест Хем да понуди не повеќе од 20 милиони фунти за Мегваер, а на Англичанецот ќе му понуди 2 или 3-годишен договор, што ќе биде доста примамливо за него и со тоа ќе гарантира останување во Премиер лигата.
Хари Мегваер оваа сезона беше активен 24 пати во сите натпреварувања со Манчестер Јунајтед и постигна 2 гола. Се сеќаваме дека „црвените ѓаволи“ потрошија цели 85 милиони фунти во 2019 година за да го доведат дефанзивецот на „Олд Трафорд“ од Лестер Сити, но неговите настапи не беа убедливи. Заминувањето на Мегваер е уште поверојатно да се случи, со оглед на плановите на Манчестер Јунајтед за длабока промена во структурата на клубот, и долгорочниот план за иднината.