Се очекува челниците на Арсенал да нападнат за да ги осигураат услугите на Даглас Луиз на летниот пазар. Лондонскиот клуб во минатото упати неколку понуди за играчот од средниот ред, но тие беа одбиени од Астон Вила. Сепак, англиските медиуми објавија дека Микел Артета е решен да го донесе бразилскиот талент на Емирати.
Иднината на Жоржињо и Томас Партеи се уште е нејасна, бидејќи нивните договори со Арсенал истекуваа во 2024 и 2025 година.
Луиз оваа сезона настапи на 46 натпревари во сите натпреварувања и постигна 10 голови и 10 асистенции. Неговиот актуелен договор со Астон Вила истекува во 2026 година, а од клупските челници се очекува да дадат се од себе за да не си замине играчот од средниот ред. За Бразилецот се верува дека е заинтересирана и Барселона. Сепак, од Шпанците се уште нема конкретна понуда или разговори меѓу нив и Астон Вила. Се смета дека и самиот играч претпочита да остане во Премиер лигата, велат извори блиски до него.
Во меѓувреме, Арсенал е во потрага по напаѓач и за следната сезона. Во последно време вниманието на клупското раководство е насочено кон ѕвездата на Борнмаут, Доминик Соланке. Фудбалерот има постигнато вкупно 19 гола оваа сезона, на 36 настапи во сите натпреварувања со својот клуб. Соланке го привлече вниманието на многу клубови во Премиер лигата, вклучувајќи ги Вест Хем и Тотенхем. Напаѓачот бара да биде дел од репрезентацијата на Англија на овогодинешното Европско првенство во Германија, а неговите импресивни настапи во Премиер лигата би можеле да му донесат место во тимот на Герет Саутгејт.
