Додека зборуваме, нема сомнеж дека Роналд Араухо е најфит централен бек на Барселона. Квалитетите на играчот се издвојуваа речиси на секој натпревар и покрај лошите игри на шпанскиот клуб. Уругваецот има се, физички е силен, добро ја поседува топката и е еден од играчите кои најмногу придонесуваат на теренот. Но, Араухо е потенцијална опасност и за противниците во нападот, особено од сет.
И секако, импресивните игри на дефанзивецот го привлекоа вниманието на многу европски клубови, но „големите“ се Челзи и Ливерпул.
Барса го купи картонот на играчот за само 1.7 милиони евра, а сега сака да го продолжи договорот со Араухо. Актуелниот договор на дефанзивецот со клубот истекува во 2023 година, но плановите на Каталонците за нов договор со фудбалерот би можеле да бидат нарушени поради понудите од Англија.
Почнати се преговори меѓу клубот и играчот, а односите меѓу страните се добри. Араухо е исклучително благодарен на Барса, но не ја исклучува можноста да потпише подобар договор во финансиска смисла, на друго место.
Во меѓувреме, Шпанците се свесни за интересот на Англија. Ливерпул и Челзи се подготвени да направат конкретни потези следното лето кога играчот ќе влезе во последната година од договорот. Се чини дека со оглед на економското ниво на клубовите, јасно е дека Англичаните можат да му понудат на играчот повеќе пари од Барса.
Нема сомнеж дека Араухо сака да остане во Шпанија, но е платен речиси 10 пати помалку од некои негови колеги од одбраната. Барса ќе се обиде да го убеди давајќи му важна улога и поголема одговорност на теренот, но во Премиер лигата елитните тимови плаќаат многу пари за дефанзивци од калибарот на Араухо.