Менаџерот на Арсенал, Микел Артета го изрази своето разбирање за фрустрацијата на Арон Рамсдејл откако овој беше заменет на голот со голманот Раја во последните два натпревари на Арсенал. Раја, кој им се приклучи на лондончани во летниот преоден рок, дебитираше против Евертон минатиот викенд и стартуваше во победата на Арсенал со 4-0 над ПСВ Ајндховен во Лигата на шампионите.
Тренерот Артета изрази дека ја разбира тешката ситуација за своите голмани, додека се уште не одлучил кој ќе биде почетниот голман на тешкиот дуел против Тотенхем в недела:
„Страдам и се грижам многу за сите играчи кои не играат, но таква е играта. Мојата работа е да носам одлуки на најдобар можен начин за тимот. Ја разбирам неговата фрустрација (на Рамсдејл) и тоа е тешко за сите играчи. Тој му даде голема поддршка на тимот и тоа е она што го очекувам од сите. Кога сте на теренот, некој друг не игра, така што тоа функционира на двата начина. Досега тој се однесуваше прилично добро“.
Артета додаде:
„Ова е тешка ситуација, а истото е и со другите играчи. Арон има неверојатен карактер, има доста харизматична аура и сите го знаеме тоа. Мора да се соочиме со тоа, но морам да подготвам формација за натпреварите…“
Рамсдејл започна 52 последователни натпревари за Арсенал пред доаѓањето на Реј во клубот. Артета беше критикуван за приближувањето кон голманот, а многу спортски аналитичари тоа го нарекоа непотребно и потенцијално опасно за духот на групата во Арсенал. Сепак, шпанскиот тренер ја намали важноста на доаѓањето на Раја, велејќи дека ќе има ротација помеѓу Рамсдејл и Раја во текот на целата сезона.
