Лондонски Арсенал е во контакт со Барселона околу можноста за трансфер на Рафиња и Феран Торес на „Емирати“. Според извештаите на 90 мин. Микел Артета е во потрага по крилен напаѓач уште од летниот преоден рок, а досегашните обиди пропаднаа.
Арсенал минатото лето покажа конкретен интерес за Рафиња, но понудата на „топчиите“ не го убеди играчот. Бразилецот го напушти Лидс и се приклучи на Барселона, отфрлајќи го Челзи во процесот. Главна цел на Арсенал во овој преоден рок беше Украинецот Михајло Мудрик, но сега откако овој му се приклучи на Челзи, клупските челници беа вклучени во интензивни разговори со Барселона за да истражат други опции.
Рафиња и Феран Торес се доста конкретни алтернативи, бидејќи и двајцата играчи минуваат низ флуктуирачки период во Барселона. Ниту еден од нив не можеше да ја зацврсти почетната улога, додека финансиските тешкотии на Барселона сепак би можеле да му олеснат на Арсенал да постигне договор за барем еден од крилните играчи.
Во случај ниту еден од играчите да не биде достапен за трансфер, челниците на Арсенал имаат на ум план Б. Станува збор за крилниот напаѓач на Брајтон, Леандро Тросард. Последниот побара да го напушти својот сегашен клуб, вест која ја потврди и агентот на фудбалерот. Арсенал може полесно да го обезбеди картонот на Белгиецот, но во моментов клупските челници се повеќе фокусирани на Рафиња и Торес.
Во исто време, „топчиите“ го следат и талентот на Наполи, Хвича Кварацхелија. Вториот импресионираше со своите извонредни настапи во италијанскиот шампионат. Сепак, Наполи нема намера лесно да го пушти играчот да си оди. Италијанците бараат околу 100 милиони фунти за картонот на Грузиецот, цифра која по голема веројатност Арсенал во овој момент не е подготвен да ја плати.
