Фудбалерите на Манчестер Јунајтед се на идеја Ерик тен Хаг веќе да не биде на чело на клупата следната сезона. Веста ја објавија англиските медиуми бидејќи играчите на „црвените ѓаволи“ забележале промена во однесувањето на холандскиот техничар. Тоа се случи откако Сер Џим Ретклиф, еден од сопствениците на клубот, одби да потврди дека Тен Хег ќе биде на Олд Трафорд следната сезона.
Самиот тренер изрази уверување за својата иднина, притоа потврдувајќи дека нема сомнеж дека ќе биде дел од Јунајтед и во новата сезона. Ерик тен Хег рече:
„Немам никакви сомнежи. Сигурен сум дека сме во вистинската насока и ќе одиме таму каде што сакаме“.
Сепак, се чини дека управниот одбор на клубот веќе донел поинаква одлука. Се очекува Холанѓанецот да биде заменет со Греам Потер, бидејќи овој имаше средба со Џим Ретклиф. Поранешниот менаџер на Челзи минатата недела ја одби понудата да го преземе Ајакс, а се смета дека Англичанецот ја чека потврдата како менаџер на Манчестер Јунајтед од следната сезона. Потер ја одби понудата и на Лион во Франција, како и на шведската репрезентација. Неговата желба да се врати во Премиер лигата ја потврдија и извори блиски до Англичанецот.
Теоријата за враќањето на Потер е поддржана и од фактот дека менаџерот работел заедно со Ден Ешворт, новиот спортски директор на Јунајтед, за време на времето на Потер на чело на Брајтон. Во меѓувреме, Герет Саутгејт и Роберто Де Зерби се уште се на маса како потенцијални имиња за менаџерската функција. Сепак, Греам Потер во моментов изгледа поблиску до клупата на Олд Трафорд.