Според престижниот англиски Dailymail, тренерот на Рома Жозе Мурињо сериозно размислува за враќање во Премиер лигата. Поточно во Челзи каде Португалецот тренираше уште 2 пати. Претставниците на „Специјалниот“ јасно им ја соопштија желбата на Мурињо на челниците на Челзи и покрај тоа што тие се уште веруваат во Греам Потер.
Сопругата и децата на Мурињо се уште живеат во Лондон, додека самиот тренер отсекогаш ја претпочитал Премиер лигата, пред сите други првенства. Друга причина зошто Португалецот сака да го напушти Рим е неможноста на италијанскиот клуб финансиски да ги поддржи целите на Моу на пазарот.
Мурињо минатата сезона со својот тим успеа да триумфира во Конференциската лига на Европа, додека оваа година Рома моментално е на петтото место во шампионатот. На главниот град им е тешко да конкурираат за шампионската титула, поради немањето средства за вложување во квалитетни играчи. Познато е дека во Премиер лигата Мурињо нема да го има овој проблем со оглед на куповната моќ на клубовите.
Но, Челзи не е единствената опција на радарот на тренерот, бидејќи Вест Хем е исто така уште еден клуб потенцијално заинтересиран за услугите на Мурињо. Актуелниот менаџер Дејвид Мојс минува низ тежок период под водство на тимот, но се уште не е познато дали клупското раководство сака Мојс да ја продолжи работата до крајот на сезоната или пак бараат нов менаџер сега.
Мурињо не сака да си замине од Рома на сред сезона, а по секоја веројатност нема да биде достапен до јули. Сепак, се очекува ова на Португалецот да му понуди повеќе опции на крајот од оваа сезона. Врз основа на серијата на Челзи, не би било изненадување доколку менаџерската работа на Стемфорд Бриџ остане испразнета на лето.