Манчестер Сити следниот месец ќе го отвори патот за заминување на Калвин Филипс на позајмица. Англиските медиуми најавуваат дека тренерот Гвардиола нема да го спречи Англичанецот да си замине од следниот пазар, со оглед на тоа што неговите шанси да игра редовно фудбал за „граѓаните“ се речиси нула. Но, кој ќе биде клубот во кој играчот од средниот ред ќе игра на позајмица почнувајќи од јануари?
Сите индикации упатуваат на Њукасл, кој веќе некое време е заинтересиран за играчот. Клубот на тренерот Хау мора да го замени отсуството на Сандро Тонали во средниот ред, бидејќи овој е суспендиран до крајот на сезоната. Сепак, Њукасл нема средства да излезе со понуда конечно да ја купи картата на Калвин Филипс. Тоа најмногу се должи на правилата на финансискиот фер-плеј. Дури и трансферот на позајмица ќе има свои предизвици, а тоа го потврди и самиот тренер Хау. На прашањето за евентуалниот трансфер на Филипс, техничарот рече дека страните се уште далеку од постигнување договор.
Пред неколку дена беше објавено и дека Јувентус започнал преговори со Сити за трансфер на англискиот играч за врска. Но, вториот не сака заминување од Премиер лигата и поради оваа причина Њукасл се чини единствената опција која му остана на Филипс.
Калвин оваа сезона во Премиер лигата одигра само 89 минути, додека минатата сезона ситуацијата беше иста. Играчот од средниот ред упорно бара да си го обезбеди местото во стартниот состав на англиската репрезентација, на Европското првенство следната година. Ова е причината поради која Калвин инсистира да си замине од Сити уште од јануари. Англичанецот многу добро знае дека без да игра редовен фудбал, шансите да биде дел од тимот на Герет Саутгејт се прилично мали.