Челниците на Манчестер Јунајтед планираат да започнат разговори со Бенфика, да го доведат талентот Жоао Невес на „Олд Трафорд“. Играчот од средниот ред, кој има само 19 години, веќе ја обезбеди стартната позиција во својот клуб, а погледот го привлече со многу убедливи настапи на зелениот терен. Невес оваа сезона беше активен на вкупно 27 натпревари во сите натпреварувања, додека со репрезентацијата на Португалија дебитираше и во квалификациите за ЕП 2024.
Донесувањето на Невес на „Олд Трафорд“ ќе биде доста тешка мисија, а Јунајтед ја спречи ситуацијата со тоа што веќе започна преговори за евентуален летен договор. Вредноста на картата на играчот од средниот ред се проценува на над 100 милиони фунти, бидејќи Невес важи за еден од најперспективните таленти во Европа.
Англискиот милијардер, Сер Џим Ретклиф, кој купи 25% од акциите на Манчестер Јунајтед, е решен да го подобри процесот на регрутирање кај „црвените ѓаволи“, носејќи повеќе квалитетни имиња во тимот. Невес се смета за еден од главните приоритети, бидејќи играчот поседува квалитет да иницира доста опасни акции од грбот. Конкуренцијата за услугите на играчот од средниот ред ќе биде жестока, додека тренерот на Бенфика, Роџер Шмит јасно стави до знаење дека ниту еден играч нема да си замине во јануарскиот преоден рок. Шмит рече:
„Ние сме на средината на сезоната и имаме големи цели. Секако дека нема да пуштиме ниту еден од овие играчи да си оди. Ни требаат и никој не сака да си замине, така што нема простор за прашања“.
Невес има активен договор со Бенфика до 2028 година, што го отежнува договорот уште повеќе. Сепак, се чини дека шефовите на Јунајтед се подготвени да бидат трпеливи со својата цел.
