И покрај разочарувачките резултати на кои се чини дека им нема крај, тренерот на Манчестер Јунајтед, Ерик тен Хаг, изрази дека се уште има верба во своите играчи. Според холандскиот техничар, играчите се решени да се борат да го поминат овој тежок момент од клупската историја. Потсетуваме, „црвените ѓаволи“ доживеаја елиминација од Карабао купот по поразот од Њукасл со 3-0, додека не убедија со своите резултати ниту во Премиер лигата, ниту во Европа.
Во интервју за печатот, Тен Хаг ја коментираше ситуацијата:
„Тие (играчите) сакаат да ја поправат оваа ситуација. Ги знаеме стандардите овде и мора да се бориме за нив секој ден. Ќе продолжиме да се бориме. Играчите се силни, тренерите се силни, овој тренер е силен“.
Во меѓувреме, неодамна низ англиските медиуми кружеа зборови дека има конфликти и несогласувања меѓу играчите на Јунајтед. Сепак, Тен Хег ги отфрли овие тврдења, осврнувајќи се на вознемирената победа на Јунајтед над Брентфорд како доказ за единството на неговиот тим. Холанѓанецот додаде:
„Сетете се на битката што ја имавме против Брентфорд и превртувањето на резултатот. Да ја немаше борбеноста во соблекувалната немаше да успееме“.
Менаџерот на Јунајтед ја потврди и лошата вест дека Касемиро е додаден на долгата листа на повреди со кои се соочуваат „црвените ѓаволи“. Бразилецот ќе паузира неколку недели поради повредата заработена при поразот од Њукасл. Сепак, Тен Хег не сакаше да ги оправда настапите на тимот со многуте повреди, велејќи дека Јунајтед мора да победи и да нема изговори.
Холанѓанецот ја прифати одговорноста и изјави дека не размислува за јануарскиот пазар, бидејќи е убеден во квалитетот на својот тим.