Шкотска ќе биде без Киеран Тиерни и Скот Мекена за дуелот со Украина во вторник во Лигата на нации. Предизвикот е од особена важност, бидејќи од него ќе зависи кој тим ќе ја заврши групата на првото место. Шкотите треба да избегнат пораз за да стигнат до својата цел, додека Украина мора да освои 3 бода ако сакаат да бидат на врвот на табелата.
Дефанзивецот на Арсенал, Тиерни и играчот на Нотингем Форест, Мекена, стартуваа во пресметката на Шкотска со Украина минатата недела, која заврши со победа од 3-0 за домаќините во Глазгов. Тирни и Мекена играа и во победата од 2-1 над Република Ирска во саботата. Сепак, играчите нема да му бидат на располагање на тренерот Стив Кларк, поради повреди и лоша физичка кондиција. Натпреварот поради суспензија ќе го пропушти и играчот од средниот ред Скот Мектоминај.
Капитенот на Шкотска, Енди Робертсон се очекува повторно да пропушти поради повреда, а на негово место се очекува Грег Тејлор од Селтик. На првиот меч против Украина, токму Нејтан Патерсон го започна мечот на позицијата десен бек, но играчот беше заменет откако се здоби со повреда на коленото.
Селекторот Кларк има на располагање уште една многу интересна опција за натпреварот против Украина. Станува збор за дефанзивецот на Хелас Верона, Џош Доиг. Вториот е капитен на шкотската У21 репрезентација, но никогаш не бил вклучен во предизвик со првата репрезентација.
Центарот на одбраната е проблем и за Шкотска, а недостапни се и Грант Хенли и Лиам Купер. Рајан Портеус е единствената опција на Кларк во моментов, но на Хибернијанецот му недостасува меѓународно искуство.