Тренерот на Арсенал, Микел Артета изјави дека неговиот тим мора да се засили на овој пазар, доколку конкурира за титулата шампион во Премиер лигата. Лондончани минатата сезона беа поразени од Манчестер Сити и покрај тоа што беа на врвот на табелата во поголемиот дел од сезоната. Тимот се поврзува со можен трансфер на Деклан Рајс од Вест Хем, додека Каи Хаверц од Челзи е многу блиску до официјализирање.
Во меѓувреме, Артета коментираше:
„Следната сезона ќе биде најсилното првенство во историјата на Премиер лигата. Зошто? Затоа што тој беше таков од лани. Јас сум тука (во Англија) 22 години и никогаш не сум видел вакво ниво на конкуренција. Толку многу квалитет, толку многу организација, толку многу ресурси, толку многу добри тренери. Ова е нивото и за да ја освоите Премиер лигата треба да бидете најдобри. Затоа мораме да станеме посилни“.
Тренерот на Арсенал додаде:
„Дури и до ден денес ме боли фактот што не можевме да ја освоиме Премиер лигата по 10 месеци битка со Сити. Имавме 3 или 4 повреди на важни играчи и од тој момент работите се искомплицираа. Кога го имавме целосниот тим бевме константни. Откако дојдоа проблемите, тогаш не можевме доволно. Нашиот противник беше најдобриот тим во светот, со најдобриот тренер во светот. Немавме друг избор освен да го прифатиме поразот и да се ракуваме со шампионите“.
Според англиските медиуми, Микел Артета напорно лобира во бордот на Арсенал, за пристап на квалитетни играчи. Шпанскиот техничар верува дека на клубот се уште му требаат засилувања во некои важни оддели на теренот како што е средниот ред. Поради оваа причина, Артета инсистира Арсенал да биде што е можно поагресивен и побрз во исполнувањето на своите цели на пазарот.