Тренерот на Реал Мадрид, а воедно и поранешен тренер на Челзи, Карло Анчелоти се огласи во пресрет на пресметката на двата гиганти во Лигата на шампионите. Италијанскиот тренер изрази носталгија за времето под водство на Челзи, а исто така изјави дека му е жал за тешкотиите низ кои минуваат лондончани оваа сезона.
Се сеќаваме дека Анчелоти успеа да го освои ФА Купот и Премиер лигата со Челзи во 2010. Лондончани предводени од Френк Лампард во среда на „Сантијаго Бернабеу“ ќе го одиграат првиот директен предизвик со Реал Мадрид. Анчелоти зборуваше за медиумите во пресрет на натпреварот:
„Вознемирен сум, да (за формата на Челзи). Имам фантастични спомени од овој клуб и луѓето кои се уште се таму. Јас сум навивач на Челзи, се разбира, бидејќи поминав многу прекрасни години таму. Се надевам дека Лампард ќе заврши фантастична работа со нив. Тој има 20 години помалку искуство од мене, но тоа нема да го промени она што може да се случи во играта. Лампард беше фантастичен, извонреден играч, тој многу добро знае што може да се случи на овие натпревари и искуството во такви предизвици не вреди многу“.
Во меѓувреме, Анчелоти беше запрашан од новинарите за можноста за втора авантура во Челзи, но Италијанецот рече дека таков потег не му е во плановите.
Френк Лампард од друга страна, тој изрази дека се чувствува многу почестен што води клуб во Лигата на шампионите. Англичанецот го прифати фактот дека Реал Мадрид е омилен тим, но рече дека во фудбалот нема ништо поубаво од докажувањето на спротивното на луѓето. Лампард ги истакна и разликите меѓу Премиер лигата и Лигата на шампионите и уште еднаш потврди дека во престижното натпреварување се може да се случи.
