Селекторот на Англија, Герет Саутгејт, призна дека е подготвен да се откаже од управувањето со Англија по нивната елиминација на Светското првенство од Франција. „3-те лава“ беа елиминирани во четвртфиналето на Катар, разочарувајќи ги уште еднаш своите навивачи. Сепак Саутгејт реши да остане на чело на репрезентацијата, а очигледно техничарот долго размислувал да дојде до овој заклучок. Во неодамнешното интервју за BBC Sport, тој рече:
„Никогаш не сакав да бидам во позиција каде што моето присуство негативно ќе влијае на тимот. Не мислев дека тоа се случува, но ми требаше период на размислување по Светското првенство за да размислам и да се уверам како се чувствувам. Се запрашав, дали е правилно да се продолжи со овој проект? Сакав да се уверам дека сè уште сум гладен за овој предизвик“.
Саутгејт ја опиша улогата на селектор на Англија како најголема привилегија во неговиот живот. И покрај тоа што техничарот размислуваше за заминување од раководството на националниот тим, Герет на крајот изјави дека одлуката да остане на чело на клупата не била тешка за носење, со оглед на квалитетот на тимот и постигнатиот напредок. Англичанецот додаде:
„Тимот се уште се подобрува. Сите стекнуваме доверба во она што го правиме“.
Единствената грижа на техничарот за неговата задача беше дека наративот на спортските медиуми негативно ќе влијае на групата играчи. Но, очигледно Англија веќе го затвори ова поглавје и играчите се фокусирани на иднината.
Саутгејт изјави дека неговиот тим е дефинитивно конкурентен против сите други тимови во светот. Техничарот изјави и дека е доста уверен во шансите на „3-те лава“ на Европското првенство следната година во Германија.
