Тренер i Лестер СитиБрендан Роџерс за прв пат реагираше по бројните вести кои го поврзуваа со функцијата тренер на Манчестер Јунајтед. Техничарот посочи дека е 100% посветен на Лестер, а секоја шпекулација која го поврзува со Јунајтед не е точна. Роџерс изјави за медиумите:
„Тука сум како менаџер на Лестер, горд, привилегиран и целосно посветен. Не можам да ги коментирам (шпекулациите) бидејќи не се точни. Зуењето околу нив е нешто што не можеме да го контролираме“.
Поранешниот менаџер на Ливерпул беше поставен на чело на клупата на Кинг Пауер во февруари 2019 година. Англиските медиуми со недели шпекулираат дека Роџерс би можел да го замени Солскјер на чело на Јунајтед. Но, освен тоа, Ирецот во последните години се поврзуваше и со Арсенал, Тотенхем и Њукасл.
На прашањето за можноста да го замени Солскјер на чело на Јунајтед, Роџерс одговори:
Мислам дека е непочитување да поставуваш такви прашања кога имаш тренер на чело, добар тренер, а во исто време и добар човек кој напорно работи за клубот.
Лестер моментално се наоѓа на 12-тото место во Премиер лигата и има собрано само 15 бода од 11 натпревари. Тие се соочуваат со Челзи во сабота, а менаџерот Роџерс сака гласините околу неговата иднина да завршат бидејќи верува дека тие имаат дестабилизирачки ефект врз клубот:
„Тоа е фрустрирачко за нашите навивачи и за моите играчи. Ако некој го прочита напишаното, тоа има дестабилизирачки ефект. Тоа е нешто што се случува во модерниот фудбал, има многу гласини и озборувања, но тоа не е нешто на што сакам да се фокусирам“.