Барселона веќе е во трка да ги обезбеди услугите на тренерот на Спортинг Лисабон, Рубен Аморим. Португалецот импресионираше оваа сезона под водство на Спортинг и стана мета на многу европски клубови. Ова е и причината што челниците на Барселона веќе скокнаа во трката да го убедат техничарот да дојде на чело на клупата на Камп Ноу.
Чави Ернандез веќе најави дека ќе си замине на крајот на сезоната, а шпанскиот клуб е во потрага по долгорочна замена. Следниот тренер на Балуграна ќе има тешка задача да го обнови клубот на највисоко ниво по серијата разочарувачки сезони, особено на европската арена. Аморим се смета за совршена замена за Чави, бидејќи Португалецот докажа дека знае како да управува со клуб кој сака да застане на нозе.
Но, нов тренер бараат и Ливерпул и Баерн Минхен, а на списокот на европските гиганти се најде и Аморим. Првично, Ливерпул и Баерн го насочија Чаби Алонсо како нивна главна цел за клупата. Сепак, овој потврди дека ќе остане барем уште 1 сезона во Баер Леверкузен. Ова доведе до уште поголемо внимание кон Рубен Аморим.
Барселона мора да биде брза доколку сака да го обезбеди потписот на тренерот на Спортинг, бидејќи се чини дека списокот на клубови кои го бараат Португалецот се зголемува. Во моментов тренерот има висока клаузула за раскинување на договорот со Спортинг која се проценува на околу 13 милиони евра. Ова е една од причините зошто се уште не е постигнат договор меѓу Аморим и Барселона, или некој друг клуб. Сепак, по голема веројатност Рубен на крајот на сезоната ќе го напушти Спортинг Лисабон.
