Томас Тухел по крајот на сезоната ќе го напушти Баерн Минхен. Веста ја соопшти самиот клуб, кој соопшти дека одлуката е донесена во договор со двете страни. Тухел го замени Јулијан Нагелсман во март минатата година, додека неговиот актуелен договор со Баерн беше со важност до 2025. Сепак, лошите резултати во последните недели го наведоа раководството на клубот да ја прекине соработката со германскиот тренер.
Баерн Минхен веќе заостанува 8 бода зад Баер Леверкузен во Бундеслигата. Баварците беа поразени со 3-0 од Леверкузен, во многу важен директен предизвик за судбината на шампионската титула. Покрај тоа, тимот на Тухел беше поразен и од Лацио во Лигата на шампионите, со минимални 1-0.
По веста за заминувањето на Тухел на крајот на сезоната, извршниот директор на Баерн Минхен Јан-Кристијан Дрисен изјави:
„Нашата цел е да создадеме спортски сојуз со нов тренер за сезоната 2024-2025. До тој момент сите поединци во клубот ќе бидат предизвикани да работат и да го постигнат максимумот во Лигата на шампионите и Бундеслигата“.
Дрисен изјави и дека е убеден дека и покрај поразот во првиот предизвик од Лацио во Лигата на шампионите, Баерн ќе се пласира во следната фаза со помош на домашните навивачи на Алијанц Арената.
Во меѓувреме на веста за неговото заминување реагираше и Томас Тухел. Германскиот техничар рече:
„Ќе си заминеме на крајот на сезоната. Дотогаш јас и мојот тренерски тим ќе продолжиме да правиме се што можеме за да обезбедиме максимален успех“.
Во моментов се уште не е јасно кој ќе биде замената на Томас Тухел на чело на клупата на Баерн Минхен следната сезона.