Поранешниот англиски фудбалер Дејвид Бекам и боксерскиот шампион во тешка категорија Тајсон Фјури и оддадоа почит на кралицата Елизабета Втора на нејзиниот погреб. Спортските настани повторно беа прекинати во Англија во понеделникот, како знак на почит кон историскиот живот и владеење на монархот.
Бекам беше еден од граѓаните кои речиси 13 часа по ред чекаа да го видат ковчегот на кралицата во Вестминстерската сала, бидејќи на прошталната церемонија беше присутна и легендата на англискиот фудбал. Во објава на социјалните мрежи, Бекам напиша:
„Кралицата е нашиот дом. Денеска се збогуваме со Нејзиното Височество Кралицата. Оваа недела светот тагуваше за загубата на единствен, инспиративен и сакан лидер. Луѓе од сите сфери на животот се собраа за да изразат благодарност за нашата сакана кралица...Нејзиното наследство на услуга и посветеност ќе живее. Да живее кралот."
Во меѓувреме, во исто време реагираше и Тајсон Фјури, кој во пост во понеделникот рече:
„Останав надвор од социјалните мрежи во последните 10 дена, во однос на нашата кралица која почина. Се надевам дека погребот ќе помине добро, сочувство до нејзиното семејство и нека почива во вечен мир“.
На својата официјална страница на Твитер реагираше и англиската фудбалска лига, потсетувајќи се на ликот на кралицата Елизабета Втора. Органот изјави:
„На денот на погребот на нејзиното височество Елизабета Втора, ЕФЛ и нејзините клубови сакаат да ѝ се придружат на нацијата во размислувањето за извонредниот живот и служба на монархот, а нашите мисли се со кралското семејство“.
Фудбалот во Англија се очекува да се врати за 2 недели, на крајот од репрезентативните натпревари.